173-173-173

當工作包括顧客服務的一環，少不免都要受氣。無論誰是誰非、事情嘅對錯、什至係所有o野有無發生過都經已唔重要。因為，讚定鬧，都要聽。

女人係感性嘅動物，就算一開始點平靜都好，只要個解釋有丁點兒唔o岩佢聽，就會向你開火。首先，佢講野會愈來愈快，你要比之前更留心咁去聽; 然後佢會將論點不斷重覆，你係時候思考應付佢嘅方法嘞; 最後佢會愈來愈大聲，請將電話拉開，避免工傷。要一個激動嘅女人停火，最緊要就係俾佢感受到你好明白佢嘅難處，將心比己實無死。就好似男人同女人鬧交時，我地成日都聽到女人講, "你都唔明白我嘅感受嘅!"，或者係"你有無諗過我呀?!" 再加上，大家唔好忘記，我都係女人。當佢有少少覺得你都唔係同佢對立時，多數都會開始將音量調較，心平氣靜咁同你講野。問一些表現關心、又同本身問題有點點關係嘅問題，通常佢地都會好好回答，最後，就算你嘅回應同一開始一樣，佢都會受落。