173-173-173 (下)

男士的電話投訴比例較少，卻別以為男人好無所謂，較易解說。女士們有時可能只為一時之氣，大不了被他們cut線。男的來電，就要答案，唔單純為發洩。

或許因為女士接聽的關係，他們鮮有吵吵鬧鬧。平靜未必係好事，你不能扯東拉西胡混過去。當他們說得井井有條，你也要小心翼翼的解釋，因為一不小心讓他誤會了當中的意思，就會咬著不放。千萬不能問得太多問題，足以令你最加一等。要知道，他們致電給你，是要清晰的答案，不是猜謎。所有對答要快，不要浪費一分一秒，否則，被質問嘅危機便愈來愈大。

試過一位男士提供意見，整整半小時，間中說一些自己的私人事，雖然我非常不耐煩並且心中暗罵，但還要笑著對答。最後，他叫了我一聲"妹妹仔"，.............很有被玩line的感覺，相當嘔心。

唉，打工仔唔易做!

173-173-173

當工作包括顧客服務的一環，少不免都要受氣。無論誰是誰非、事情嘅對錯、什至係所有o野有無發生過都經已唔重要。因為，讚定鬧，都要聽。

女人係感性嘅動物，就算一開始點平靜都好，只要個解釋有丁點兒唔o岩佢聽，就會向你開火。首先，佢講野會愈來愈快，你要比之前更留心咁去聽; 然後佢會將論點不斷重覆，你係時候思考應付佢嘅方法嘞; 最後佢會愈來愈大聲，請將電話拉開，避免工傷。要一個激動嘅女人停火，最緊要就係俾佢感受到你好明白佢嘅難處，將心比己實無死。就好似男人同女人鬧交時，我地成日都聽到女人講, "你都唔明白我嘅感受嘅!"，或者係"你有無諗過我呀?!" 再加上，大家唔好忘記，我都係女人。當佢有少少覺得你都唔係同佢對立時，多數都會開始將音量調較，心平氣靜咁同你講野。問一些表現關心、又同本身問題有點點關係嘅問題，通常佢地都會好好回答，最後，就算你嘅回應同一開始一樣，佢都會受落。